കോട്ടയം: മീനച്ചിലാറിന്റെ കൈവഴിയായ മീനന്തറയാറ്റിൽ കുളിക്കാനിറങ്ങിയ യുവാവിനെ ഒഴുക്കിൽപ്പെട്ട് കാണാതായി. കാഞ്ഞിരപ്പള്ളി സ്വദേശിയായ 22-കാരനായ യുവാവാണ് അപകടത്തിൽപ്പെട്ടത്.
സുഹൃത്തിന്റെ വിവാഹത്തിനു കോട്ടയം ഇറഞ്ഞാലിൽ പങ്കെടുക്കാനെത്തിയതായിരുന്നു യുവാവും കൂട്ടുകാരും. ബെംഗളൂരുവിലെ ഫിസിയോതെറാപ്പി വിദ്യാർഥിയാണ്. ഞായറാഴ്ച രാവിലെയായിരുന്നു അപകടം. അഗ്നിരക്ഷാസേനയുടെ നേതൃത്വത്തിൽ യുവാവിനായുള്ള തിരച്ചിൽ തുടരുകയാണ്.
