കോട്ടയം:അടിച്ചിറ പാർവതിക്കലിലെ റെയിൽവേ ട്രാക്കിൽ വിള്ളൽ കണ്ടെത്തിയതിനെത്തുടർന്ന് കോട്ടയം ഏറ്റുമാനൂർ റൂട്ടിലെ ട്രെയിനുകളുടെ വേഗത കുറയ്ക്കും.
വിള്ളല് പരിഹരിക്കുന്നതിന്റെ ഭാഗമായി പരശുറാം, ശബരി എക്സ്പ്രസ്സുകളും കൊല്ലം എറണാകുളം മെമു ട്രെയിനും അരമണിക്കൂറിലധികം പല സ്റ്റേഷനുകളിലായി പിടിച്ചിട്ടിരുന്നു.
അതേസമയം പ്രശ്നം താല്ക്കാലികമായി പരിഹരിച്ചതായി റെയില്വേ അറിയിച്ചു. ട്രെയിനുകള് കോട്ടയത്തും ഏറ്റുമാനൂരിനും ഇടയില് വേഗം കുറച്ച് ഓടുമെന്നും അധികൃതര് അറിയിച്ചു.
രാവിലെ 11.30ഓടെയാണ് റെയില്വേ ട്രാക്കില് വിള്ളല് കണ്ടെത്തിയത്. തുടര്ന്ന് കോട്ടയത്ത് നിന്ന് റെയില്വേ ഉദ്യോഗസ്ഥര് എത്തി പരിശോധന നടത്തിയ ശേഷം പ്രശ്നം താത്കാലികമായി പരിഹരിച്ചു. അതേസമയം പൂര്ണമായും പരിഹരിക്കണമെങ്കില് ദിവസങ്ങള് വേണ്ടിവരും. അതിനായി നടപടിക്രമങ്ങള് തുടങ്ങിയതായും റെയില്വേ അറിയിച്ചു.
