രാജ്യത്ത് ഒട്ടേറെ ആരാധകരുള്ള നായികയാണ് പ്രിയങ്ക ചോപ്ര. മികച്ച നടിക്കുള്ള ദേശീയ ചലച്ചിത്ര അവാര്‍ഡും പ്രിയങ്ക ചോപ്ര സ്വന്തമാക്കിയിട്ടുണ്ട്. റെഡ് കാർപെറ്റിൽ തിളങ്ങി നിൽക്കുന്ന താരസുന്ദരിമാർ പലപ്പോഴും തിളക്കമുള്ള വസ്ത്രത്തിൽ സ്റ്റൈലിഷായി നിൽക്കുമ്പോൾ കാണുന്നവരിൽ ചിലർക്ക് പേടിയുണ്ടാകും, ഈ വസ്ത്രം എങ്ങാനും താഴെപോകുമോ എന്ന്. ചില വസ്ത്രങ്ങൾ തനിക്ക് തലവേദന സ്യഷ്ടിച്ചുണ്ടെന്ന് തുറന്ന് പറയുകയാണ് പ്രിയങ്ക ചോപ്ര.
2016ൽ ആദ്യമായി ഓസ്‌കർ വേദിയിലും എത്തി. ഇതിൽ മിസ് വേൾഡ് മത്സരത്തിനായി ധരിച്ച വസ്ത്രമാണ് പ്രിയങ്കയ്ക്ക് ആദ്യമായി ബുദ്ധിമുട്ട് സൃഷ്ടിച്ചത്. അന്നത്തെ വസ്ത്രം ശരീരത്തിൽ ടേപ്പ് ചെയ്ത് വച്ചിരിക്കുക ആയിരുന്നുവെന്ന് താരം പറയുന്നു.
ഇടുത്തീ പോലെ ആ സമയം ഒട്ടേറെ പിരിമുറുക്കം അനുഭവിച്ചുവെന്നും താരം പറയുന്നു. ആ ടേപ്പ് മുഴുവനും ഊരി വന്ന്, വസ്ത്രം ഇളകുന്ന മട്ടിലായി. അപ്പോള് തന്നെ ഞെട്ടിത്തരിച്ചു നിന്നു. വസ്ത്രത്തെ ചേർത്ത് നിർത്തി ഞാൻ നമസ്തേ പറഞ്ഞു.
എല്ലാവരും ശ്രദ്ധിച്ചത് നമസ്തേ എന്ന് കൈകൂപ്പി നിൽക്കുന്ന പ്രിയങ്കയെ ആണ്. പക്ഷെ ആ നമസ്തേയുടെ പിന്നിൽ വസ്ത്രം ഇളകി വീഴാതിരിക്കാനുള്ള ട്രിക്ക് ആണെന്ന് ആർക്കും മനസ്സിലായില്ല. കൈകൾ കൊണ്ട് വസ്ത്രം താങ്ങി നിർത്തുകയായിരുന്നുവെന്ന് താരം പറയുന്നു.
2018ലെ മെറ്റ് ഗാലയിലാണ് രണ്ടാമതായി, ധരിച്ച വസ്ത്രം കാരണം പ്രിയങ്ക ബുദ്ധിമുട്ടനുഭവിച്ചത് . കടും ചുവപ്പു നിറമുള്ള റാൽഫ് ലോറൻ റെഡ് വെൽവെറ്റ് കുപ്പായമാണ് പ്രിയങ്ക അണിഞ്ഞിരുന്നത്. അതിൽ ഒരുക്കിയിരുന്ന കച്ച ശ്വാസം മുട്ടിച്ചു. വാരിയെല്ലുകൾ വരിഞ്ഞുമുറുകിയ പ്രതീതിയാണ് ആ വസ്ത്രം അന്ന് സമ്മാനിച്ചത്. ആ രാത്രയിൽ ഭക്ഷണം പോലും കഴിക്കാൻ സാധിച്ചില്ലെന്ന് പ്രിയങ്ക വെളിപ്പെടുത്തി.
