കണ്ണൂര്: നവീന് ബാബുവിന്റെ മരണത്തില് പി പി ദിവ്യയുടെ മുന്കൂര് ജാമ്യാപേക്ഷ തലശ്ശേരി പ്രിന്സിപ്പല് സെഷന്സ് കോടതി തള്ളിയതോടെ ദിവ്യയെ അറസ്റ്റ് ചെയ്യുമോ എന്ന ചോദ്യമാണ് ഉയരുന്നത്.Naveen Babu’s wife wants to arrest PP Divya
പിപി ദിവ്യയ്ക്ക് മുൻകൂര് ജാമ്യം നിഷേധിച്ചുകൊണ്ടുള്ള കോടതി വിധി ആശ്വാസമെന്ന് നവീൻ ബാബുവിന്റെ ഭാര്യയും തഹസില്ദാറുമായ മഞ്ജുഷ പ്രതികരിച്ചു. വിധിയിൽ സന്തോഷമില്ല ആശ്വാസമാണ്. പിപി ദിവ്യയെ ഇതുവരെ അറസ്റ്റ് ചെയ്തിട്ടില്ല.
ഞങ്ങളുടെ ജീവിതം നശിപ്പിച്ച പ്രതിയെ അറസ്റ്റ് ചെയ്യണം. നീതിക്കായി ഏതറ്റം വരെയും പോകുമെന്ന് നവീന് ബാബുവിന്റെ ഭാര്യ പറഞ്ഞു.
ഇതുവരെ അത്തരമൊരു നീക്കമുണ്ടായിട്ടില്ല. അവരെ കേസിൽ അറസ്റ്റ് ചെയ്യണം. അറസ്റ്റ് ചെയ്യാത പൊലീസ് നടപടിക്കെതിരെയും കണ്ണൂര് ജില്ലാ കളക്ടര്ക്കെതിരെയും മഞ്ജുഷ വിമര്ശനം ഉന്നയിച്ചു. യാത്രയയപ്പ് യോഗത്തിൽ ഇത്തരം പരാമര്ശം പാടില്ലായിരുന്നുവെന്ന് പറഞ്ഞ് ജില്ലാ കളക്ടര്ക്ക് ഇടപെടാമായിരുന്നുവെന്ന് മഞ്ജുഷ പറഞ്ഞു. നവീൻ ബാബുവിന്റെ മരണത്തിനുശേഷം ആദ്യമായാണ് മഞ്ജുഷ മാധ്യമങ്ങളോട് പ്രതികരിച്ചത്.
നവീൻ ബാബു മരിച്ച് പതിനഞ്ചാം ദിവസമാണ് ദിവ്യയുടെ കോടതി വിധി. നവീൻ ബാബുവിന്റെ മരണത്തിന് പിന്നാലെയെടുത്ത കേസിൽ ദിവ്യ മാത്രമാണ് പ്രതി. ആത്മഹത്യാ പ്രേരണക്കുറ്റമാണ് പൊലീസ് ദിവ്യക്കെതിരെ ചുമത്തിയത്.