ടെലിവിഷൻ പ്രേക്ഷകർക്ക് ഏറെ സുപരിചിതയായ താരമാണ് ലിന്റു റോണി. സോഷ്യൽ മീഡിയയിൽ സജീവമായ താരം റീൽ വീഡിയോകളും മറ്റും പങ്കുവയ്ക്കാറുണ്ട്. ഇപ്പോൾ താരം ലണ്ടനിൽ സ്ഥിരതാമസമാണ്. എട്ടു വർഷത്തെ കാത്തിരിപ്പിനൊടുവിലാണ് കുഞ്ഞ് ജനിക്കുന്നത്.
ഇപ്പോഴിതാ ലിന്റു റോണി പങ്കുവച്ചിരിയ്ക്കുന്ന പുതിയ വീഡിയോ ഒരു ബോധവത്കരണം കൂടെയാണ്. ചെറിയൊരു മുഴയില് നിന്ന് ക്യാന്സര് എന്ന തംപ് നെയിലോടുകൂടെയാണ് വീഡിയോ. ഇന്ട്രോയില് തനിക്ക് കാന്സര് ആണെന്നും ലിന്റു റോണി പറയുന്നുണ്ട്. പക്ഷേ വീഡിയോ മുഴുവനായി കണ്ടാല് മാത്രമേ വിഷയം എന്താണെന്ന് തിരിച്ചറിയൂ. അത് വളരെ വ്യക്തമായി ലിന്റു വിശദീകരിക്കുന്നുണ്ട്.
ലെവിക്കുട്ടന് പിറന്ന് കഴിഞ്ഞ് മൂന്നാമത്തെ മാസം മുതല് ലിന്റുവിന് ആര്ത്തവം ആവര്ത്തിച്ചിരുന്നുവത്രെ. എന്നാല് പെട്ടന്ന് അത് നിന്നു. പിന്നാലെ ബ്രെസ്റ്റില് ചെറിയ ഒരു പിംപിള് പോലെ ഒരു മുഴയും കണ്ടു. ഡിസംബറില് പ്രസവരക്ഷയ്ക്കും മറ്റും നാട്ടിലേക്ക് വരുന്നുണ്ടായിരുന്നു. ആര്ത്തവനം നിന്നതും, ബ്രെസ്റ്റിലെ മുഴയുമൊക്കെയായപ്പോള് വീണ്ടും ഗര്ഭിണിയാണോ എന്ന് സംശയിച്ച് ടെസ്റ്റ് ചെയ്തു. പക്ഷേ ഗര്ഭിണിയല്ല എന്ന് കണ്ടു.
ഫെബ്രുവരിയോടെ തിരിച്ച് യുകെയില് എത്തി. അപ്പോഴേക്കും ആ മുഴ വലുപ്പം വച്ചിരുന്നു. ഒരു ബോള് പോലെ ഉരുളുന്നത് അറിയാന് പറ്റുന്നുണ്ട്. അങ്ങനെ അവിടെ ഡോക്ടറെ കണ്ടു. പത്ത് ദിവസത്തേക്ക് മെഡിസിന് എഴുതി. ആദ്യം പറഞ്ഞത് എന്തെങ്കിലും ഹോര്മോണ് വ്യത്യാസം കൊണ്ട് സംഭവിച്ചതാവും എന്നാണ്. പത്ത് ദിവസത്തെ മെഡിസിന് എടുത്തിട്ട് കുറവില്ല എങ്കില് സ്കാന് ചെയ്യാം എന്ന് പറഞ്ഞു. പത്ത് ദിവസത്തെ മെഡിസിന് എടുത്തിട്ടും കുറവുണ്ടായില്ല. വീണ്ടും ഡോക്ടറെ ചെന്ന് കണ്ടപ്പോള് ഇത് കാന്സര് ആണെന്ന സംശയം ഉള്ളതായി പറഞ്ഞു. എന്എച്ച്എസ്സില് അങ്ങനൊണ്, ഒന്നും ഒളിച്ചുവയ്ക്കുന്ന രീതിയില്ല. എന്തും മുഖത്ത് നോക്കി പറയും. പക്ഷേ അത് കേട്ട നിമിഷം നമ്മള് തകര്ന്നു പോയി.
എന്എച്ച്എസ്സില് അപ്പോയിന്റ്മെന്റ് കിട്ടാന് വൈകും എന്നതിനാല് പ്രൈവറ്റ് ഹോസ്പിറ്റലിലേക്ക് മാറ്റാം എന്ന് തീരുമാനിച്ചു. അവിടെയും എല്ലാം ആദ്യം മുതലേ ടെസ്റ്റ് ചെയ്ത് തുടങ്ങും. അവസാനം സ്കാനിങ് ദിവസം വന്നു. ഇത്രയും വൈകി എനിക്ക് ലെവിക്കുട്ടനെ തന്നിട്ട് ദൈവം എന്തിനാണ് ഇങ്ങനെ ക്രൂരത ചെയ്യുന്നത് എന്ന് തോന്നിയെങ്കിലും, ഒന്നും സംഭവിക്കില്ല എന്ന വിശ്വാസവും എനിക്കുണ്ടായിരുന്നു. എന്റെ സഹോദരന്റെ മരണത്തോടെ തന്നെ അച്ഛനും അമ്മയും ഒരുപാട് തകര്ന്ന് പോയതാണ്. എനിക്ക് കൂടെ എന്തെങ്കിലും സംഭവിച്ചാല് അവരെങ്ങനെ സഹിക്കും എന്നൊക്കെയായിരുന്നു സ്കാനിങിന് കയറുന്നത് വരെ എന്റെ ചിന്ത.
പക്ഷേ എന്തൊക്കെയാമെങ്കിലും ഞാന് ദൈവത്തില് വിശ്വസിച്ചു. സ്കാനിങ് കഴിഞ്ഞ് ഇറങ്ങിയപ്പോള് എന്തെന്നില്ലാത്ത ഒരു ധൈര്യം തോന്നി. എന്ത് വന്നാലും നേരിടും എന്ന് മനസ്സില് ഉറപ്പിച്ചിരുന്നു. സ്കാനിങ് റിസള്ട്ട് വന്നു, ഭയപ്പെടാനൊന്നുമില്ല എന്ന് പറഞ്ഞപ്പോള് തന്നെ ആശ്വാസമായി. കൃത്യസമയത്ത് തിരിച്ചറിഞ്ഞ് ട്രീറ്റ്മെന്റ് എടുത്തത് കൊണ്ട് തന്നെ മെഡിസിനില് അത് പോകും എന്ന് ഡോക്ടര് പറഞ്ഞു. എനിക്ക് അതൊരു അത്ഭുതമായിട്ടാണ് തോന്നിയത്. ദൈവം എന്നെ ഒരുപാട് സ്നേഹിക്കുന്നത് പോലെ തോന്നി.
