ശ്രീഹരിക്കോട്ട: യൂറോപ്യന് ബഹിരാകാശ ഏജന്സിയുടെ പ്രോബ-3 വിക്ഷേപണം ഐഎസ്ആര്ഒ വിജയകരമായി പൂര്ത്തിയാക്കി. കൃത്രിമമായി സൂര്യഗ്രഹണം സൃഷ്ടിച്ച് സൂര്യന്റെ കൊറോണയെ കുറിച്ച് പഠിക്കാനുള്ള ഇഎസ്എയുടെ രണ്ട് പേടകങ്ങളാണ് (കൊറോണഗ്രാഫ്, ഒക്യുല്റ്റര്) ഇസ്രൊയുടെ പിഎസ്എല്വി-സി59 റോക്കറ്റ് വിക്ഷേപിച്ചത്.ISRO successfully launched ESAs PROBA-3 mission from Sriharikota, studying the Suns corona
ശ്രീഹരിക്കോട്ടയിലെ സതീഷ് ധവാൻ സ്പേയ്സ് സെന്ററിൽ നിന്ന് വൈകിട്ട് 4.08നാണ് പ്രോബാ–-3 കൊറോണഗ്രാഫ്, ഒക്യുല്റ്റര് എന്നീ ഉഗ്രഹങ്ങളുമായി പിഎസ്എൽവി സി 59 റോക്കറ്റ് കുതിച്ചത്.
ഇന്നലെ നടക്കേണ്ടിയിരുന്ന വിക്ഷേപണമാണ് കൗണ്ട്ഡൗൺ അവസാനിക്കാൻ 43 മിനുട്ടും 50 സെക്കൻഡും ബാക്കിനിൽക്കെ മാറ്റിയത്. ഇരട്ട ഉപഗ്രഹങ്ങളിലെ കൊറോണോഗ്രാഫ് പേടകത്തിലാണ് അവസാന മണിക്കൂറില് പ്രശ്നം കണ്ടെത്തിയത്. പ്രൊപ്പൽഷൻ സിസ്റ്റത്തിനകത്തെ ഭ്രമണപഥ നിയന്ത്രണ സംവിധാനത്തിലായിരുന്നു പ്രശ്നം. സോഫ്റ്റ്വെയറിൽ മാറ്റം വരുത്തി പ്രശ്നം പരിഹരിക്കാൻ ശ്രമം നടക്കുകയാണ് എന്ന് യൂറോപ്യന് സ്പേസ് ഏജന്സി പിന്നാലെ അറിയിച്ചിരുന്നു.
ബഹിരാകാശ രംഗത്ത് മറ്റൊരു ചരിത്രമെഴുതാന് തയ്യാറെടുക്കുകയായിരുന്നു ഐഎസ്ആര്ഒ. ഐഎസ്ആര്ഒയുടെ കൊമേഴ്സ്യല് വിഭാഗമായ ന്യൂസ്പേസ് ഇന്ത്യാ ലിമിറ്റഡും (എന്എസ്ഐഎല്) യൂറോപ്യന് സ്പേസ് ഏജന്സിയും (ഇഎസ്എ) സഹകരിച്ചാണ് പ്രോബ-3 ദൗത്യം നയിക്കുന്നത്.
