ഇടുക്കി: നെടുങ്കണ്ടം കൗന്തിയിൽ മരുമകന്‍ ഭാര്യാപിതാവിനെ വെട്ടിക്കൊന്നു. പുതുപ്പറമ്ബില്‍ ടോമി ആണ് കൊല്ലപ്പെട്ടത്. മരുമകന്‍ ജോബിന്‍ തോമസിനെ പൊലീസ് കസ്റ്റഡിയിലെടുത്തു
ടോമിയുടെ മകളും ജോബിന്റെ ഭാര്യയുമായ ടിന്റുവിനു നേരെയും ജോബിൻ അക്രമാസക്തൻ ആയിരുന്നു. ഗുരുതരമായി വെട്ടേറ്റ ടിന്റുവിനെ കോട്ടയം മെഡിക്കല്‍ കോളജില്‍ പ്രവേശിപ്പിച്ചു. ടിന്റുവിന്റെ ആരോഗ്യനില ഗുരുതരമാണ്. ടിന്റുവും ജോബിന്‍ ഏറെ നാളായി അകന്നു കഴിയുകയായിരുന്നു.
കുടുംബ കലഹമാണ് കൊലപാതകത്തിൽ എത്തിച്ചത് എന്നാണ് പ്രാഥമിക നിഗമനം. ബംഗളൂരുവില്‍ ബിസിനസ്സ്കാരൻ ആണ് ജോബിന്‍. പൊലീസ് അന്വേഷണം ആരംഭിച്ചു കഴിഞ്ഞു .
