നെടുമ്പാശ്ശേരിയിൽ വിമാനം തിരിച്ചിറക്കി. ബഹറിനിലേക്ക് പുറപ്പെട്ട എയർ ഇന്ത്യ എക്സ്പ്രസ് വിമാനമാണ് സുരക്ഷിതമായി തിരിച്ചിറക്കിയത്.
റൺവേയിൽ ടയറിൻ്റെ ഭാഗം കണ്ടെത്തിയതിനേ തുടർന്നാണ് വിമാനം തിരിച്ചിറക്കിയത്.
രാവിലെ 10.45നാണ് വിമാനം പുറപ്പെട്ടത്. 104 യാത്രക്കാരും 8 ജീവനക്കാരും വിമാനത്തിലുണ്ടായിരുന്നു. റൺവേയിൽ ടയറിന്റെ അവശിഷ്ടം കണ്ടതിനെ തുടർന്ന് വിമാനം നിലത്തിറക്കാൻ നിർദേശിച്ചു. വിമാനത്താവളത്തിനു ചുറ്റും പറന്ന് ഇന്ധനം ചോർത്തി കളഞ്ഞശേഷമായിരുന്നു ലാൻഡിങ്.
