തിരുവനന്തപുരം: തിരുവനന്തപുരം: സംസ്ഥാനത്ത് വീണ്ടും ഡിജിറ്റല് അറസ്റ്റിന് ശ്രമം. തിരുവനന്തപുരം പേരൂർക്കട സ്വദേശി അശ്വഘോഷിനെ ആണ് സൈബർ തട്ടിപ്പ് സംഘം കുടുക്കാൻ ശ്രമിച്ചത്.
മുംബൈ സൈബർ ക്രൈം പൊലീസ് എന്ന പേരിലായിരുന്നു തട്ടിപ്പ്.
പേരൂർക്കട സ്വദേശി അശ്വഘോഷിനെ സംഘം ഡിജിറ്റല് അറസ്റ്റ് ആണെന്ന വ്യാജേന വിളിക്കുകയായിരുന്നു. ഒരു മണിക്കൂറോളം തട്ടിപ്പ് സംഘം അശ്വഘോഷിനെ കുടുക്കാൻ ശ്രമിച്ചു. എന്നാല് വലയില് വീഴാതെ വിദ്യാർഥി തട്ടിപ്പ് സംഘത്തെ കാമറയില് പകർത്തി.
ഇന്നലെ ഉച്ചയോടെയാണ് അശ്വഘോഷിന് തട്ടിപ്പ് സംഘത്തിന്റെ വിളി വന്നത്. ഒരു മണിക്കൂറോളം ശ്രമിച്ചെങ്കിലും വിദ്യാർഥിയെ കുരുക്കാൻ കഴിയുന്നില്ലെന്ന് വന്നതോടെ സംഘം ഫോണ് കട്ട് ആക്കി മുങ്ങി.
