ഡബ്ലിൻ: കഴിഞ്ഞ മാസം ബെൽഫാസ്റ്റിൽ നടന്ന ആക്രമണവുമായി ബന്ധപ്പെട്ട് 11 വയസ്സുകാരനെ അറസ്റ്റ് ചെയ്തു. കുട്ടിയെക്കുറിച്ചുള്ള കൂടുതൽ വിവരങ്ങളൊന്നും പോലീസ് പുറത്തുവിട്ടിട്ടില്ല. കലാപം, സംശയാസ്പദമായ സാഹചര്യത്തിൽ പെട്രോൾ ബോംബുകൾ കൈവശം വയ്ക്കൽ, പൊതുസ്ഥലത്ത് ആയുധം കൈവശം വയ്ക്കൽ എന്നീ മൂന്ന് കുറ്റങ്ങളാണ് കുട്ടിക്കെതിരെ പൊലീസ് ചുമത്തിയത്.
തെക്കൻ ബെൽഫാസ്റ്റിലെ ബ്രോഡ്‌വേ റൗണ്ട്എബൗട്ടിൽ ജൂലൈ 15 തിങ്കളാഴ്ചയാണ് അക്രമം നടന്നത്. സംഭവത്തെത്തുടർന്ന് പോലീസ് വാഹനങ്ങളും പൊതുഗതാഗതവും തകർന്നു. പെട്രോൾ ബോംബുകളും പെയിൻറ് ബോംബുകളും ഉദ്യോഗസ്ഥർക്ക് നേരെ എറിയുന്നതും അക്രമത്തിൽ ഉൾപ്പെടുന്നു. അറസ്റ്റിലായ കുട്ടിയെ സെപ്റ്റംബർ 6 വെള്ളിയാഴ്ച ബെൽഫാസ്റ്റ് ചിൽഡ്രൻസ് കോടതിയിൽ ഹാജരാക്കും.
