ഹൈദരാബാദ്: ഇന്ന് റീലീസ് ചെയ്ത പാൻ ഇന്ത്യൻ ചിത്രം പുഷ്പ 2 വിന്റെ പ്രീമിയറിനിടെ ഉണ്ടായ ദുരന്തത്തിൽ നടൻ അല്ലു അർജുനെതിരെ കേസ് എടുക്കും. അല്ലു അര്ജുന് ബുധനാഴ്ച രാത്രി ചിത്രത്തിന്റെ പ്രീമിയര് ഷോയ്ക്കായി എത്തിയത് മുന്കൂര് അറിയിപ്പില്ലാതെയായിരുന്നു. ഹൈദരാബാദിലെ സന്ധ്യ തീയേറ്ററിലായിരുന്നു പ്രീമിയർ ഷോ.case against actor allu arjun
ഇവിടെ നടനെ കാണാന് ആളുകള് ഇരച്ചെത്തിയതോടെയുണ്ടായ തിക്കിലും തിരക്കിലും പെട്ടാണ് ഹൈദരാബാദ് ദില്സുഖ്നഗര് സ്വദേശി രേവതിക്ക് (39) ജീവന് നഷ്ടമായത്. സംഭവത്തില് കടുത്ത പ്രതിഷേധമുയര്ന്ന സാഹചര്യത്തിലാണ് നടനെതിരേ വ്യാഴാഴ്ച പോലീസ് കേസെടുത്തിരിക്കുന്നത്. മരിച്ച രേവതിയുടെ മകന് തേജ് (9) ഗുരുതരാവസ്ഥയില് ആശുപത്രിയില് ചികിത്സയിലാണ്.
മരിച്ച യുവതിയുടെ കുടുംബത്തിന്റെ പരാതിയുടെ അടിസ്ഥാനത്തില് ബിഎന്എസിന്റെ വിവിധ വകുപ്പുകള് പ്രകാരമാണ് കേസെടുത്തിരിക്കുന്നതെന്ന് പോലീസ് പറഞ്ഞു.
ഹൈദരാബാദ് ദിൽഷുക്നഗർ സ്വദേശിനിയാണ് 39കാരിയായ രേവതി. ഭർത്താവ് ഭാസ്കറിനും മക്കളായ തേജിനും സാൻവിക്കും ഒപ്പമായിരുന്നു അവര് തിയറ്ററില് എത്തിയത്. അതേസമയം, ബെംഗളൂരുവിൽ നാളെ രാവിലെ നാല് മണിക്ക് പുഷ്പ 2 റിലീസ് ചെയ്യില്ല.