സുല്ത്താന് ബത്തേരി: ഓട്ടോറിക്ഷ മറിഞ്ഞുണ്ടായ അപകടത്തില് ബാലികയ്ക്ക് ദാരുണന്ത്യം. നായ്ക്കട്ടി പിലാക്കാവ് ഊരാളി ഉന്നതിയിലെ രാജേഷ് – സുമ ദമ്പതികളുടെ മകള് രാജലക്ഷ്മി (2) ആണ് മരിച്ചത്. ഇന്ന് രാവിലെ എട്ടുമണിയോടെ ആണ് സുല്ത്താന്ബത്തേരി കോട്ടക്കുന്നിന് സമീപം അപകടമുണ്ടായത്.
നായ്ക്കെട്ടിയില് നിന്ന് സുല്ത്താന്ബത്തേരി നഗരത്തിലേക്ക് വരുന്നതിനിടെ കോട്ടക്കുന്നില് വെച്ച് ഓട്ടോറിക്ഷ യു ടേണ് എടുക്കുന്നതിനിടയില് നിയന്ത്രണം വിട്ട് മറിയുകയായിരുന്നു എന്നാണ് ദൃക്സാക്ഷികള് പറഞ്ഞത്. രക്ഷിതാക്കളുടെ മടിയിലിരുന്ന കുട്ടി വാഹനത്തിനടിയില്പ്പെടുകയായിരുന്നു. ഇരുളത്തെ ബന്ധുവീട്ടിലേക്ക് മാതാപിതാക്കള്ക്കും സഹോദരങ്ങള്ക്കുമൊപ്പം പോകുന്ന വഴിയായിരുന്നു അപകടം. അര്ജുനന്, രാജേശ്വരി എന്നിവര് സഹോദരങ്ങളാണ്. അപകടത്തില് മറ്റാര്ക്കും വലിയ പരിക്കുകളേറ്റിട്ടില്ല.
