പാലക്കാട്: പാലക്കാട്: കല്ലടിക്കോട് സ്കൂള് വിദ്യാര്ഥികളുടെ മുകളിലേക്ക് സിമന്റ് ലോറി മറിഞ്ഞ്മത് റ്റൊരു ലോറി ഇടിച്ചതിനേത്തുടര്ന്ന്. അപകടത്തിൽ പെട്ട സിമന്റ് കയറ്റി വരുകയായിരുന്ന ലോറിയിൽ മറ്റൊരു ലോറി ഇടിക്കുകയായിരുന്നു. ഇതേ തുടര്ന്ന് സിമന്റ് കയറ്റിയ ലോറിയുടെ നിയന്ത്രണം നഷ്ടമായി മറിയുകയായിരുന്നുവെന്നും ആര്ടിഒ പറഞ്ഞു. മറ്റൊരു ലോറി ഇടിച്ചശേഷം ബ്രേക്ക് ചവിട്ടി ലോറി നിര്ത്താൻ ഡ്രൈവര് ശ്രമിച്ചെങ്കിലും നിയന്ത്രണം വിട്ട് മറിയുകയായിരുന്നു.
അതേസമയം,പാലക്കാട് കല്ലടിക്കോട് നാലു വിദ്യാര്ത്ഥിനികളുടെ മരണത്തിനിടയാക്കിയ സിമന്റ് കയറ്റിയ ലോറിയുടെ ഡ്രൈവറെയും ക്ലീനറെയും പൊലീസ് കസ്റ്റഡിയിലെടുത്തു. അപകടത്തിൽ പരിക്കേറ്റ് ആശുപത്രിയിൽ ചികിത്സയിലുള്ള ഇരുവരെയും പൊലീസ് ചോദ്യം ചെയ്തുവരുകയാണ്. കാസര്കോട് സ്വദേശികളായ ലോറിയുടെ ഡ്രൈവര് മഹേന്ദ്ര പ്രസാദ്, ക്ലീനര് വര്ഗീസ് എന്നിവരാണ് കസ്റ്റഡിയിലുള്ളത്.