പത്തനംതിട്ട: അടൂര്‍ മിത്രപുരത്ത് വാഹനാപകടത്തില്‍ കോളേജ് വിദ്യാര്‍ത്ഥിയ്ക്ക് ദാരുണാന്ത്യം . പെരുമ്പളിക്കല്‍ സ്വദേശി അഭിറാം (21) ആണ് മരിച്ചത്.
മിത്രപുരം മാർ ക്രിസോസ്റ്റം കോളേജിയെ ബികോം മൂന്നാം വർഷ വിദ്യാർത്ഥിയാണ് അഭിറാം. കോളേജിൽ നിന്നും വീട്ടിലേക്ക് ബൈക്കിൽ പോയ അഭിറാമിനെ എതിർ ദിശയിൽ വന്ന കാർ ഇടിച്ചിടുകയായിരുന്നു. അപകടത്തിൽപ്പെട്ട കാർ നിർത്താതെ പോയി. പരിക്കേറ്റ അഭിരാമിനെ പന്തളത്തെ സ്വകാര്യ ആശുപതിയിൽ എത്തിച്ചെങ്കിലും ജീവന്‍ രക്ഷിക്കാനായില്ല.
