മൂന്നാർ: ഇടുക്കി പൂപ്പാറ തോണ്ടിമലയിൽ വിനോദ സഞ്ചാരികളുടെ കാർ കൊക്കയിലേക്ക് മറിഞ്ഞ് അപകടം. അപകടത്തിൽ അഞ്ചുപേർക്ക് പരുക്കേറ്റു. ഇന്ന് പുലർച്ചെ ബോഡിമെട്ട് – പൂപ്പാറ റോഡിൽ അഞ്ചുമണിയോടെയാണ് അപകടം നടന്നത്.
യാത്രക്കാർ രക്ഷപ്പെട്ടത് തലനാരിഴയ്ക്കാണ്. ആരുടെയും പരിക്ക് ഗുരുതരമല്ല. ഉത്തർപ്രദേശ് സ്വദേശികളായ സഞ്ചാരികളുടെ ഹ്യുണ്ടായ് ഐ ട്വന്റി കാർ ആണ് അപകടത്തിൽ പെട്ടത്. മൂന്നാർ സന്ദർശന ശേഷം മടങ്ങവെയാണ് അപകടം.
മൂന്നാറിൽ നിന്നും മടങ്ങവേ കാർ നിയന്ത്രണം വിട്ട് താഴ്ച്ചയിലേക്ക് മറിയുകയായിരുന്നു. നിറയെ വെള്ളമുള്ള ഒരു കിണറിന് തൊട്ടുത്തേക്കാണ് യുപി രജിസ്ട്രേഷനിലുള്ള ഹ്യുണ്ടായ് ഐ ട്വന്റി കാർ മറിഞ്ഞത്.
